Изложбата на дела создадени на Меѓународната ликовна колонија „Ѓуриште“, во периодот 2023/2024, во четврток во 19 часот ќе биде отворена во изложбениот салон на НУЦК „Трајко Прокопиев” – Куманово.
Преку изложените дваесетина дела ќе понуди увид во креативниот творечки процес на талентираните уметници од различни делови на светот.
Овој групен творечки опус што ќе биде презентиран пред кумановската публика е резултат на напорите на организаторот Домот на културата „Крсте Мисирков “ – Свети Николе да одржи континуитет во работата на колонијата, како и интензивната работа и соработка на учесниците на оваа манифестација коишто создадоа уникатни уметнички дела инспирирани од околината и локалната култура на локалитетот Ѓуриште. Изложбата ќе прикаже разновидност на стилови и техники, демонстрирајќи ја воедно моќта на уметноста како дисциплина која има можност да поврзува луѓе и идеи.
Изложбата ќе биде поставена до 07.11.2024 година.